Yr Arolygiaeth Gynllunio - Cymru

Datganiad Preifatrwydd

Pwy ydym ni
Siarter Gwybodaeth Bersonol
Ymwadiad
Polisi Preifatrwydd
Cyfrinachedd a Diogelwch
Darparu Mynediad Dienw ar gyfer Ymwelwyr
Casglu Awtomatig
Datgelu a Dewis i'r Ymwelydd
Pa Wybodaeth a Gesglir Gennym?
Casglu Data a Nodi Diben
Eich Hawliau i Weld Data Personol
Anghytuno
Rhestr Termau
Cysylltiadau Perthnasol

Pwy ydym ni

Mae'r Arolygiaeth Gynllunio yn gweithio i Swyddfa'r Dirprwy Brif Weinidog a Chynulliad Cenedlaethol Cymru. Mae ein prif weithgaredd yn ymwneud ag amrywiaeth o waith achos o dan ddeddfwriaeth Cynllunio ac Amgylcheddol.

Bwriedir i'r wybodaeth ar wefan yr Arolygiaeth Gynllunio a'n gwefannau cysylltiedig fod yn adeiladol ac yn ddiddorol.

Rydym wedi darparu Tudalen Ymchwiliadau lle y ceir rhestr o wefannau yn ymwneud ag Ymchwiliadau'r Arolygiaeth Gynllunio.

Am wybodaeth am ein polisi ar ganiatáu i'r cyhoedd weld gwybodaeth gweler y tudalennau sydd wedi'u neilltuo ar gyfer:

Cod Ymafer ar Ganiatáu i'r Cyhoedd Weld Gwybodaeth y Llywodraeth;
Ddeddf Rhyddid Gwybodaeth a Chynllun Cyhoeddi Swyddfa'r Dirprwy Brif Weinidog

Siarter Gwybodaeth Bersonol

Mae'r Arolygiaeth Gynllunio, yn unol â'r argymhellion yn yr Adolygiad Trin Data traws-lywodraethol, wedi cyhoeddi ei Siarter Gwybodaeth Bersonol. Mae'r siarter hon yn gwneud ymrwymiadau i'r cyhoedd am y ffordd y byddwn yn trin gwybodaeth bersonol y mae'n ei rhoi i ni ac yn gyfnewid rydym yn gofyn iddo roi gwybodaeth gywir a chyfredol i ni fel y gallwn ddarparu gwasanaethau perthnasol iddo.

Ymwadiad

Nid yw unrhyw Adran o Lywodraeth Ei Mawrhydi nac unrhyw un o'i chyflogeion, ei hasiantiaid na'i hisgontractwyr yn gwarantu mewn unrhyw ffordd, yn ddatganedig neu'n oblygedig, fanwl gywirdeb na chyflawnder unrhyw wybodaeth a gynhwysir ar y wefan hon neu unrhyw wefan y cyfeirir ati nac yn cymryd unrhyw atebolrwydd na chyfrifoldeb cyfreithiol dros fanwl gywirdeb na chyflawnder y cyfryw wybodaeth. Os cewch fynediad i'r wefan neu unrhyw wefan y cyfeirir ati dylech gymryd y camau priodol i wirio'r cyfryw wybodaeth.

Ni ellir dal unrhyw Adran o Lywodaeth Ei Mawrhydi yn gyfrifol am gynnwys unrhyw dudalennau y cyfeirir atynt drwy gysylltiad i wefan allanol am na reolir y cynnwys gennym ac nid yw'n eiddo i ni. Nid oes unrhyw gyfeiriad ar ein gwefannau at unrhyw bobl, cynhyrchion, gwefannau neu wasanaethau yn golygu nac yn amgrymu eu bod yn cael eu cymeradwyo, eu hargymell na'u ffafrio gan unrhyw Adran o Lywodraeth Ei Mawrhydi, ei chyflogeion, ei hasiantiaid na'i hisgontractwyr.

Polisi Preifatrwydd

O dan Ddeddf Diogelu Data 1998, mae gennym ddyletswydd gyfreithiol i'ch hysbysu o wybodaeth a gasglwn amdanoch chi ac i ddiogelu'r cyfryw wybodaeth. Y wybodaeth ganlynol yw ein polisi ar hyn o bryd. Gellir newid y polisi hwn a nodir unrhyw newidiadau mewn nodyn diweddaru ar y dudalen hon. Cewch wybod am unrhyw newidiadau o ran sut yr ydym yn cymhwyso ein polisi i sicrhau y rheolir eich data personol yn gywir trwy adolygu'r dudalen hon yn rheolaidd.

Mae'r polisi preifatrwydd yn berthnasol i:

Enw'r Sefydliad: Yr Arolygiaeth Gynllunio

Cyfeiriad y Wefan: http://www.planning-inspectorate.gov.uk/pins/index.htm

Rheolir y Wefan Gan: Yr Arolygiaeth Gynllunio.

Cyfeiriad Cyswllt Busnes:

The Planning Inspectorate. Temple Quay House 2 The Square Temple Quay Bristol BS1 6PN

Rheolwr Data: Swyddfa'r Dirprwy Brif Weinidog

Ni chynhelir gwefannau y gellir cael mynediad iddynt o "wefannau cysylltiedig" o fewn gwefannau'r Arolygiaeth Gynllunio uchod gan yr Arolygiaeth Gynllunio, felly nis cwmpesir gan y polisi hwn. Mae pob "gwefan gysylltiedig" yn agor mewn ffenestr newydd.

Cyfrinachedd a Diogelwch

Dylai gohebwyr nodi y gallai pob gohebiaeth â'r Arolygiaeth Gynllunio, Cynulliad Cenedlaethol Cymru a Swyddfa'r Dirprwy Brif Weinidog gael ei gofnodi, ei fonitro a/neu ei recordio at ddibenion cyfreithlon.

Nid ydym yn rhoi i bobl sy'n ymweld â'n gwefan yr opsiwn o ddefnyddio dull trosglwyddo diogel i anfon eu data personol atom. Rydym yn gweithredu polisïau diogelwch, rheolau a mesurau technegol i ddiogelu'r data personol sydd o dan ein rheolaeth rhag cael ei:

ddarllen heb awdurdod
defnyddio neu ei ddatgelu'n anghywir
newid heb awdurdod
dinistrio'n anghyfreithlon neu ei golli'n ddamweiniol

Mae pob un o'n staff sydd â mynediad i ddata personol, ac sy'n gysylltiedig â'i brosesu, yn gorfod parchu cyfrinachedd data personol unigolion.

Mae ein cynhaliwr gwefan yn cadw pob gwasanaethydd gwe ar rwydwaith preifat, y ceir mynediad iddo trwy wal dân-fur a chyfieithiad o gyfeiriad rhwydwaith, y gweinyddir pob peiriant trwy gysylltiadau diogel (ssh), mae offeryn canfod ymyriadau wedi'i osod ar bob gwasanaethydd, mae'r broses logio yn mynd i beiriant ar wahân a chedwir copïau cadw dyddiol mewn adeilad ar wahân.

Darparu mynediad dienw ar gyfer ymwelwyr

Gallwch gael mynediad i hafan ein gwefan a phori trwy ein gwefannau heb ddatgelu eich data personol.

Casglu gwybodaeth yn awtomatig

Nid ydym yn defnyddio cwcis i gasglu eich gwybodaeth o'r wefan(gwefannau). Mae cwcis yn ddarnau o ddata a grëir pan fyddwch yn ymweld â gwefan.

Mae "cwcis" yn neges a roddir i borwr gwefan gan wasanaethydd gwefan. Mae'r porwr yn storio'r ffeil neges a elwir yn cookie.txt. Bob tro mae'r porwr yn gofyn am dudalen gan y gwasanaethydd, anfonir y neges hon yn ôl. Prif amcan cwci yw nodi defnyddwyr a phersonoli eu hymweliad trwy addasu gwefannau ar eu cyfer er enghraifft trwy eu croesawu wrth eu henw y tro nesaf y byddant yn ymweld â'r un wefan. Fel arfer bydd gwefan sy'n defnyddio cwcis yn eich gwahodd i ddarparu gwybodaeth bersonol megis eich enw, eich cyfeiriad e-bost a'ch diddordebau.

Nid yw'r wefan(gwefannau) yn storio nac yn dal gwybodaeth bersonol, y cyfan a wnâ yw logio eich cyfeiriad IP a gydnabyddir yn awtomatig gan y gwasanaethydd gwe.

Nid ydym yn logio eich data personol yn awtomatig nac yn cysylltu gwybodaeth a gofnodwyd yn awtomatig trwy ddulliau eraill â data personol am unigolion penodol.

Casglu data a nodi diben

Rydym yn casglu'r data personol y gallwch ei gynnig tra'n defnyddio ein gwasanaethau.
Nid ydym yn casglu gwybodaeth am ein hymwelwyr o ffynonellau eraill, megis cofnodion neu gyrff cyhoeddus, neu sefydliadau preifat.
Os ydym am ddefnyddio eich data personol i ddiben newydd, ar wahân i'r diben y'i darparwyd yn wreiddiol, yn ôl y gyfraith mae'n ofynnol i ni ofyn i chi yn gyntaf.

Datgelu a dewis yr ymwelydd

Rydym yn sicrhau na ddatgelir eich data personol i sefydliadau nac awdurdodau eraill oni fydd y gyfraith neu ryw reoliad arall yn mynnu ein bod yn gwneud hynny.

Pa wybodaeth a gesglir gennym?

Rydym yn casglu gwahanol fathau o wybodaeth neu ddata personol y gallwch ei gynnig tra'n defnyddio ein gwefan(nau). Bydd y wybodaeth hon yn amrywio gan ddibynnu ar y tudalennau neu'r gwasanaethau a ddefnyddir.

Adborth, gan gynnwys sylwadau a chwestiynau - (Ymholiadau ebost, gweler - Cysylltwch â Ni - Adborth ar y Wefan)

DS. Wrth anfon Ebost neu gysylltu ar y ffôn i ofyn am wybodaeth neu gymorth, efallai y bydd angen i ni gysylltu ag Adran neu sefydliad arall i geisio gwybodaeth i'ch helpu. Nid ydym yn trosglwyddo unrhyw ran o'ch gwybodaeth bersonol wrth ymdrin â'ch ymholiad, oni fyddwch wedi rhoi caniatâd i ni wneud hynny.
Gwybodaeth am y Defnydd a Wneir o'r Wefan - Ffeiliau cofnodion.

Mae ein cynhaliwr gwe Hyperlink yn crynhoi ffeiliau cofnodion gan bawb sy'n ymweld â'n gwefannau, rydym yn defnyddio'r wybodaeth hon i newid diwyg y wefan a'r wybodaeth a geir y tu mewn iddi, yn seiliedig ar y modd y mae pobl yn symud o'i hamgylch. Nid yw ffeiliau cofnodion yn cynnwys unrhyw wybodaeth bersonol, nac unrhyw wybodaeth am ba wefannau eraill yr ydych wedi ymweld â hwy.
Apeliadau Cynllunio a Ffurflenni Apêl.

Rydym yn ymrwymedig i weithio'n electronig, fodd bynnag, ar hyn o bryd ni allwn dderbyn apeliadau na chynrychioliadau dros y Rhyngrwyd. Mae hwn yn wasanaeth sy'n cael ei ddatblygu trwy Raglen Y Porth Cynllunio .

Wrth benderfynu ar apêl, mae'r Arolygydd (neu'r Ysgrifennydd Gwladol) yn derbyn amrywiaeth o wybodaeth bersonol gan nifer o ffynonellau, gan gynnwys;

y cais gwreiddiol, ynghyd ag unrhyw ddogfennau yn cefnogi'r cais neu'n ei wrthwynebu;
y ffurflen apêl ynghyd ag unrhyw ddogfennaeth bellach yn cefnogi'r apêl neu'n ei gwrthwynebu;
awdurdodau cynllunio lleol;
chi eich hun.

Mae'r math o wybodaeth bersonol a ddarperir yn amrywiol ond mae'n cynnwys:

manylion eich enw, eich cyfeiriad a'ch gwaith;
gwybodaeth am eich iechyd
gwybodaeth yn ymwneud â barn neu fwriadau a fynegwyd mewn perthynas â chais cynllunio neu apêl gynllunio.

Yn unol â'r rhwymedigaethau statudol presennol, bydd y rhan fwyaf o'r ddogfennaeth a dderbynnir ar gael i'r cyhoedd ac fe'i prosesir yn unol â'r Ddeddf Diogelu Data. Byddwn:

dim ond yn defnyddio'r wybodaeth i ymdrin â'r apêl gynllunio berthnasol;
ond yn cadw'r wybodaeth am cyhyd ag y bo'n rhesymol angenrheidiol. Ar gyfer apeliadau cynllunio a gwblhawyd fe'u cedwir am 12 mis fel arfer, er ein bod yn cadw copi o benderfyniad yr Arolygydd yn ddi-ben-draw. Gall gwybodaeth bersonol ffurfio rhan o benderfyniad yr Arolygydd.

Eich cyfrifoldebau -

dim ond os ydych yn fodlon iddi gael ei gwneud yn eiddo cyhoeddus y dylech ddarparu gwybodaeth bersonol.
peidiwch â chynnwys gwybodaeth bersonol am drydydd parti (gan gynnwys aelodau o'ch teulu) oni fyddwch wedi dweud wrth yr unigolyn dan sylw ac mae'n fodlon iddi gael ei darparu.
dwedwch wrthym cyn gynted ag y bo modd os bydd unrhyw ran o'r wybodaeth bersonol a ddarparwyd gennych yn newid.

Eich hawliau i weld data personol

Er mwyn gofyn am gael gweld eich data personol defnyddiwch y

Ffurflen Cyrchu Gwrthrych ar-lein - (Ffurf PDF 21Kb)
Ffurflen Cyrchu Gwrthrych ar-lein - (Ffurf Word 74KB)

Codir tâl stadudol o £10. Bydd angen prawf adnabod arnoch. Dychwelwch y ffurflen wedi'i chwblhau a thystiolaeth o bwy ydych gan ddefnyddio dull postio diogel, nid trwy ebost.

Mae'n rhaid i ni ddarparu copi darllenadwy o'r data personol yr ydym yn ei gadw amdanoch chi i chi o fewn 40 niwrnod.

Mae'n fuddiol i ni ac i chi ein bod yn dal data manwl gywir. Os yw'r data yr ydym yn ei ddal amdanoch yn anghywir mewn unrhyw ffordd, gallwch fynnu ein bod yn:

dileu'r data
cywiro neu'n diwygio'r data
cwblhau'r data

Ar gyfer unrhyw ymholiad neu bryder ynghylch ein polisi preifatrwydd, cysylltwch â'n Rheolwr Data trwy:

Ebost; alastair.grant@planning-inspectorate.gsi.gov.uk

Cyfeiriad Post:

The Planning Inspectorate Customer Support Unit Room 3/07 Temple Quay House 2 The Square Temple Quay Bristol BS1 6PN

Ffôn: 0117 372 6372
Ffacs: 0117 372 8782
Ebost: enquiries@planning-inspectorate.gsi.gov.uk

Mae ffôns y llinell cymorth cwsmeriaid yn cael eu ateb rhwng 08:00 and 16:45 rhwng Dydd Llun a Gwener. O gwmpas yr oriau yma derbynnir negeseuon ar ein peiriant ateb.

neu ein Rheolwr Data wrth:

Cyfeiriad Post:

The Data Manager The Planning Inspectorate Room 5/04 Temple Quay House 2, The Square Bristol, BS1 6PN Telephone - 0117 372 8922
Email: alastair.grant@planning-inspectorate.gsi.gov.uk

Anghytuno

Rydym yn ceisio sicrhau ein bod wedi datrys unrhyw faterion yn foddhaol, fodd bynnag os nad ydych yn fodlon ar ein hymateb gallwch gysylltu â:

The Information Commissioner
Wycliffe House
Water Lane
Wilmslow
Cheshire
SK9 5AF

Switsfwrdd: 01625 545 700

Ffacs: 01625 524 510

DX: 20819 Wilmslow

Gwefan: http://www.dataprotection.gov.uk/

e-bost: mail@dataprotection.gov.uk

Rhestr Termau

Porwr
Cymhwysiad meddalwedd addefnyddir i leoli ac arddangos tudalennau'r we.

Cwci
Mae "cwcis" yn neges a roddir i borwr gwefan gan wasanaethydd gwefan. Mae'r porwr yn storio'r ffeil testun a elwir yn cookie.txt. Bob tro mae'r porwr yn gofyn am dudalen gan y gwasanaethydd, anfonir y neges hon yn ôl. Prif amcan cwci yw nodi defnyddwyr a phersonoli eu hymweliad trwy addasu gwefannau ar eu cyfer er enghraifft trwy eu croesawu wrth eu henw y tro nesaf y byddant yn ymweld â'r un wefan. Fel arfer bydd gwefan sy'n defnyddio cwcis yn eich gwahodd i ddarparu gwybodaeth bersonol megis eich enw, eich cyfeiriad e-bost a'ch diddordebau.

IP (Protocol y Rhyngrwyd)
Mae pob rhwydwaith sy'n gysylltiedig â'r Rhyngrwyd yn siarad IP, y safon dechnegol sy'n caniatáu i ddata gael ei drosglwyddo rhwng dwy ddyfais. Mae TCP/IP (Protocol Rheoli Trosglwyddo/Protocol y Rhyngrwyd) yn gyfrifol am sicrhau y caiff y cyfryw negeseuon eu trosglwyddo o'r naill gynhaliwr i'r llall ac y deëllir y negeseuon.

Cyfeiriad IP/PRh
Os ydych wedi'ch cysylltu â'r Rhyngrwyd mae gennych un, er enghraifft efallai y bydd yn edrych rywbeth yn debyg i hyn 198.184.9

Gwasanaethydd y Wefan
Mae'n cyflwyno (darparu) tudalennau'r we i'ch cyfrifiadur.

Cysylltiadau Perthnasol

Mae pob un o'r cysylltiadau isod yn agor mewn ffenestr bori newydd.

Sut i edrych ar ddogfennau PDF

Gallwch edrych ar dogfennau PDF gan ddefnyddio Acrobat Reader gan Adobe. Gallwxh lawrlwytho Acrobat Reader am ddim drwy gwefan Adobe. Edrychwch ar Access Adobe a am wybodaeth ar sut y gall bobl a anableddau gweledol gael y gorau or meddalwedd hon.